Transcription
1
Reçue à Grenoble, le 10 mars 1573.
2
Monsieur, si la santé de ma jambe m’ut voulu parmetre d’aller la
3
part où vous estes j’y fusse très volontiers alé tant pour vous
4
baiser les meins que pour vous asseurer que ne commenderés
5
iamais à homme qui de meilleur cœur vous fasse service
6
que moy, m’asseurent que scavés comme l’ons m’a demis de ma
7
charge, me guardera le vous raconter, mais vous diray que
8
m’en vois retirer cheus moy d’où n’espère partir si ce n’est pour
9
faire service à mes seigneurs don vous tiens des principaoulz.
10
Vous me ferés s’il vous plait monsieur, cest honeur que de
11
faire estat de moy comme d’ung de vos plus obeissens serviteurs.
12
Je vous avois escript une feulle de papier pleine de
13
novelles, mais j’ay trouvé que monsieur de Rousset par votre moien
14
en scavoir de plus fraisches beaucoup que moy qui me
15
les a faict descirer. Mais ni aient veu escript que
16
monseigneur de Montmorency estoit alé trouver le roy à
17
Seinct Germein, le vous ay volu dire je ne scai s’il
18
suivra la court ou bien s’il retournera à Chantilly.
19
L’ons avoit ung peu d’alarme à la court à cause que
20
mes seigneurs de Longuerville et de Guise avoient comandé
21
à leurs gouverneurs que tous les huguenotz eussent à leur
22
proveoir d’armes et chevaoulz et leur en aller à La Rochelle
23aveques eus. [barré : Ilz ] Ilz ont achepté chevaoulz et armes mais n’ont
24
encores bogé de leurs maisons, Cela donnoit ung peu de
25
suspesson mais c’estoit ung bien peu ; aussi disoit on que
26
Montgoumery estoit arrivé à Bellille en Bertagne aveques
27
disehuit navires et avoir prins la ditte ille. Je vous puis
28
[241v°] bien asseurer monsieur que l’Angleterre ne bouge au descouvert.
29
L’ons a assalli ung ravelin à Senserre, mais n’a esté prins, eins
30
i est mort une vinteine de soldas et de gens de nom. Le cappitaine
31
Digory et le cappitaine Stefano d’Orbino blessé qui est fort bon soldat.
32
L’ons ne laisse pour cela de continuer la baterie et crois qu’ilz
33
la prandront. Ie ne vous dis rien de messieurs d’Evènes et de
34
Laval encores que i’aie sceu du dousiesme du passé qu’ilz ce
35
portoint bien pource que j’ay veu qu’en aviés du quatorsieme.
36
Monsieur ie vois suplier Dieu qu’il vous deint en très
37
parfecte santé, très heureuse et très longue vie. De Loriol
38
ce sisiesme mars 1573.
39
Votre très humble soldat et très
40
affectioné serviteur
41
c[apitain]e Lille
42
Je desirerois bien que monsieur
43
le président Truchon receut mes
44
très humbles recommendations.